ВЕРБАС – Всоботу, 19. марца, у КПД „Карпати” у Вербаше отримани вечар Тараса Шевченка, а з нагоди означованя рочнїци народзеня велького українского поети, уметнїка и борителя за народни препород.
На програми презентовани живот и творчосц Шевченка, а участвовал Хор Дружтва, як и школяре основних школох котри виучую українски язик з елементами националней култури. Школярох пририхтала учителька Оля Станков.
Приказани и документарни филм о живоце Тараса Шевченка, автора Боґдана Ступки, а Шевченково твори гуторели и шестра Фаустина и Филип Пронек з Кули.
