РУСКИ КЕРЕСТУР – На ютре у Ресторанє „Червена ружа” будзе отримани 10. Паприґарски бал, хтори остатнї роки єден з найпопуларнєйших и найнащивенших у Руским Керестуре. За Бал предати 220 уходнїци, хтори попредани накадзи бул обявени датум Балу.
Як дознаваме од орґанизаторох – пейц паприґарских фамелийох – понеже Бал ювилейни, попри стандардних забавних змистох буду и велї нєсподзиваня, ретроспектива балох прейґ фотоґрафийох и вредни награди за томболу, як цо то моторчок за залїванє, ТВ-приємнїк, ґарнитура за шедзенє и велї други. Главна награда будзе седемдньове пребуванє за два особи у Врнячкей Банї.
Орґанизаторе визначели же було барз вельке одволанє и донаторох – польопривреднїкох, ремеселнїкох, привреднїкох и валалских здруженьох, хтори за томболу понукли свойо услуги, продукти, лєбо пенєж, та обезпечени коло 200 томболи.
Госцох на Балє будзе и з других местох, а грає керестурски МИХ-шоу бенд.