ВЕРБАС – Штварток вечар, 5. марца, у просторийох Центру за физичну културу (ЦФК) у Вербаше отримана сновательна Скупштина Горяцкого клубу „Гора”, як здруженє гражданох. Попри горякох, до Клубу приступели и горяцки бициґлисти, а за предсидателя и заступнїка того здруженя вибрани Владо Папуґа з Вербасу.
На сновательней Скупштини присуствовали кол пейдзешат члени, а Скупштину водзел познати вербаски горяк Миодраґ Йовович. На схадзки прилапени Статут, Дїловнїк о роботи, печац и вибране руководство Клубу.
Плановане же ше члени Клубу поряднє буду сходзиц кажди штварток вечар у просторийох ЦФК, дзе ше буду радзиц о своїх акцийох, а у Центру Клоуб достал и канцеларию за порядну роботу.
Клуб горякох „Гора” предлужує традицию и роботу трох бувших горяцких здруженьох хтори робели у Вербаше ище од 1928, 1956., односно 2006. року, алє ше преставали з роботу.
