РУСКИ КЕРЕСТУР – На соботу, 14. октобра будзе отримана V Подобова колония „Еуфемия Гарди 2023”, у Спортскей гали, а у орґанизациї Месного одбору Рускей матки у Руским Керестуре.
Сход учашнїкох Подобовей колониї будзе у Канцелариї Рускей матки на 8:30 годзин, роботна часц будзе тирвац по 13, а друженє учашнїкох по 16 годзин.
Учашнїком обезпечени платна и олєйово, або акрилни фарби за подобове творительство. Поволани 14 старши творителє и даскельо школяре, векшином з Керестура, з Кули и Крущичу.
Подобова колония будзе отримана по проєкту Рускей матки за финансованє и софинансованє програмох и проєктох очуваня, пестованя, презентациї и розвою култури и уметносци рускей заєднїци у Сербиї, а средства достати на конкурсу Покраїнского секретарияту за културу и информованє АП Войводини.
Вистава малюнкох зоз Подобовей колониї „Еуфемия Гарди 2023” будзе орґанизована у холу Спортскей гали 28. децембра 2023. року.