[vc_column_text pb_margin_bottom=”no” pb_border_bottom=”no” width=”1/3″ el_position=”first”]
[/vc_column_text] [vc_column_text pb_margin_bottom=”no” pb_border_bottom=”no” width=”2/3″ el_position=”last”]
У тогорочним штерацец штвартим чишлє новинох „Руске слово” рубрика „Тижньовнїк”, окрем о схадзки Републичного совиту за национални меншини и урядовим гашеню ЯП за информованє „Вербас”, пише о одходу медицинских роботнїкох на роботу до иножемства.
О схадзкох скупштинох општинох Шид и Кула, и о помоци вибеженцом у шидскей општини, активносцох ловарох у Дюрдьове и Здруженя женох „Идея” у Кули, пише на бокох рубрики „Нашо места”.
„Економия” зазначела искуства у тогорочней польодїлскей роботи Ґосподїнчаня Владимира Салонския, и у продукциї догану на шидским подручу.
„Култура и просвита”, медзи иншим, провадзела представянє наших виданьох на 60. Сайме кнїжкох у Беоґрадзе, а зазначела и Лазориков дарунок нашому театру и музично-литературни вечар у Сримскей Митровици.
„Мозаїк” пише о новосадскей журки за младих „Ноц босоркох” и понука розгварку зоз младу и успишну каратистку Сару Планчак з Руского Керестура. „Людзе, роки, живот” представяю Єлену Хранилович з Осєку, а ту и напис о оглашованю и рекламованю яке Руснаци пестовали през прешлосц.
Рубрика „Духовни живот” информує о законченю каритасового Центру за слуханє и о тим як преславени Кирбай у Бачинцох.
„Спорт” зазначел резултати наших фодбалских клубох у своїх змагательних лиґох, зазначена и робота спортскей гали у Шидзе, а ту и текст о Спортских бавискох „Яша Баков” у ґуґланю и штреляцтве у Вербаше.
[/vc_column_text]