ОЛЕНА ПЛАНЧАК САКАЧ

ОЛЕНА ПЛАНЧАК САКАЧ народзена у Руским Керестуре 1961. року. Закончела Филозофски факултет, студийну ґрупу Югославянски литератури и сербскогорватски язик у Новим Садзе. Од 1988. року роби у НВУ „Руске слово” як лекторка, потим новинарка, а од 2000. року по нєшка редакторка є рубрики „Култура и просвита”. Штири роки ушорйовала додаток за литературу „Литературне слово”, була член конкурсних комисийох за вибор найлєпших драмох хтори розписовала НВУ „Руске слово”, як и рецензентка у оценьованю кнїжкох. Пише литературну и театралну критику, поезию и прозу. Свойо тексти обявйовала у „Руским слове”, „Шветлосци”, „Литературним слове”, „Новей думки”, „Дневнику”, „Траґу”, „Studia Ruthenici” и у словенским е-часопису „Provinca”.