БЕОҐРАД – Министер култури и информвоаня Владан Вукосавлєвич штварток виявел же Министерство на чиїм є чолє планує обовязац локални самоуправи же би убудуце вецей средства видвойовали за финансованє медийох.
– Маме намиру же бизме их з вименку закона обовязали най видвоюю наймєней 1 одсто з локалного буджету за конкурсне финансованє медийох – гварел министер Вукосавлєвич за РТВ, з оцену же тераз локални самоуправи за тоту немену нє даваю достаточно пенежу.
Министер додал же держава, почитуци препорученя ЕУ, напущела власнїцтво у медийох, алє же потим настал гаос у їх финансованю.
Министер Вукосавлєвич за РТВ бешедовал и о пририхтованю Стратеґиї култури, чий Предлог од конца юния будзе на явней розправи, а потим и пред народнима посланїками.
Вязано за тото, тиж гварел же пестованє култури националних меншинох котри жию у Сербиї наша цивилизацийна обовязка.