Зоз друку вишло лєтне виданє часопису МАК за период юний-юлий.
Понеже слово о двочислу, тема того числа Шлєбода, цо би лєто школяром и студентом могло буц.
Формат часопису иншаки – горизонтални є.
Така идея реализована прето же би двочисла хтори виходза през лєто, були тематски и з форматом иновативни и на таки спосов зацикавели читачох.
А змист у МАК-у 06-07/2026 приноши колаж хтори направели Валентина Салаґ (фотоґрафиї) и Сара Планчак (дизайн). Марина Надь поробела розгварку зоз двома младима посланїцами Ана-Марию Малацко и Теодору Новакович о тим як то тераз кед су вибрани заступац глас гражданох, а Кристина Чизмар писала о одношеньох медзи людзми и нашу шлєбоду. Марина Тодич инспирована зоз путованями писала о Еразмус+ меншого капацитету, а Катарина Кочиш писала о єй прешлорочней одлуки же би лєто нє препровадзела на бетону и у городу, алє на морю.
Єлена Дудаш писала о тим чи маме шлєбоду чи одвичательносц ґу нашому природному штредку, односно природи, а Клара Катрина о тогорочни Емаус фесту.
Штредок часопису резервовани за поезию и прозу Адрияни Фейди и Надї Гарди.
У єдней з емисийох за младих новинарки направели прилог и зоз представи Чарни лебед, та можеце пречитац и яки прилог пририхтали, а у рубирки Младосц, активносц, креативносц Марина Сакач Хаджич писала о тим чи ми наисце можеме купиц шлєбоду?
У рубрики Медийна писменосц вам ше питаме чи бисце обявели свой живот за лайк, а тематски, инспироване зоз шлєбоду у рубрики Вецка нїч Михайло Планкош пише о филму Права одлука.
Лексикон пополнєла Лидия Чапко.