РУСКИ КЕРЕСТУР – З пригодну шветочносцу у Клубе пензионерох, Здруженє женох „Байка” нєшка на 18 годзин закончи свой найновши проєкт „Зачувайме традицию”. На законченю проєкту Здруженє представи три женски облєчива, у духу традицийного народного облєчива до роботи, хтори ушили членїци „Байки”.
Облєчиво ше будзе хасновац за наступи „Байки”, алє и других на рижних туристичних манифестацийох дзе ше презентує Керестур и Руснацох.
На нєшкайшей промоциї кратшу музичну програму виведу школяре з руского оддзелєня Ґимназиї „Петро Кузмяк”, а програма отворена за шицких заинтересованих.