НОВИ САД – Кратки филм Походзенє (Origin) авторки Марини Хома Малетин номиновани за найлєпши кратки филм хтори настал з помоцу штучней интелиґенциї (ШИ) на фестивалу у Сеулу, у Южней Кореї.
Екпериментални кратки филм Походзенє, направени з помоцу штучней интелиґенциї и виглєдує креацию, цикличносц и свидомосц. У филму, хтори тирва менєй як 2 минути, слово о трансформациї, чловечеству, мриї и о самим акту твореня и як таки жада исновац на гранїци филма и визуалней поезиї.
Авторка Марина Хома Малетин гварела же кратки филм витворени з помоцу ґенеративних ШИ алатох, мануалну монтажу и авторску дирекцию. Нарация и визуални язик засновани на єй ориґиналним тексту.
За тераз филм номиновани за найлєпши кратки експериментални филм на Интернационалним Фестивалу ШИ у Сеулу.