НОВИ САД – Першенствене змаганє 30. кола помедзи ОФК „Славия” з Нового Саду и ФК „Бачка 1923” з Дюрдьова закончене з резултатом 1:2 (1:1).
Перши полчас закончени зоз виєдначеним резултатом, медзитим, то ше у другей половки бависка пременєло кед Милан Роґич у 46. минути дал ище єден ґол за Бачку. Госцуюца екипа ше намагала превжац лабду и бависко, медзитим, по сам конєц змаганя остал тот резултат.
Екипа Бачкей мала єдну пременку бавячох кед на початку бависка тренер Бачкей до бависка уведол Стефана Топчия, а зоз бависка вишол Миленко Проданов.
По словох орґанизаторох змаганє ше закончело фер и коректно без опомнуцох и векших проблемох.
За Бачку бавели: Неманя Иґнїч, Душан Чеґар, Ґоран Калайджич, Балоґ Никола, Ратко Чирин, Стефан Сивчевич, Неделько Тривунович, Милан Роґич, Драґан Тривунович, Стефан Максимович, Стефан Деянович, Миленко Проданов
После того кола Бачка ше находзи на єденастим месце и ма 40 боди. Шлїдуюце змаганє Бачка будзе бавиц дома процив екипи ФК „Сириґ” зоз Сириґу. Змаганє почнє на 17,30 годзин.