КУЛА – Заменїк предсидателя Општини Кула Велибор Милоїчич сообщел штварток, 16. юлия, же прилїв до општинского буджету, як и розходи, у складзе з проєкцию буджету за 2015. рок.
Од 1. януара по 30. юний того року приходи до буджету Општини Кула були вєдно 576 милиони 455 913 динари, цо 48,60 одсто з цалосно планованих приходох од милиярду 186 милиони 137 000 динари.
За перши тогорочни 6 мешаци вивершенє буджету виношело скоро 50 одсто з планованого та, як и приходи, и розходи ше сполнює як плановане, гварел Милоїчич.
На веб-сайту Општни Кула – www.kula.rs – мож у цалосци опатриц оконченє буджету за перши тогорочни шейсц мешаци.