СЕРБИЯ – Нєшка будзе преважно слунечно и барз цепло. Витор будзе слаби и умерени, сиверни и сиверовосточни. Найнїзша температура будзе од 21 по 25, а найвисша дньова од 37 по 40 ступнї.
Од стреди ше очекує пременлїва и нєстабилна хвиля, местами зоз дижджом и гирменьом. Локално можлїви и краткотирваци нєпогоди зоз велькима паданями за кратки час, моцним витром и каменцом.
На стреду найвисша температура будзе од 32 по 35 ступнї, а на штварток ше обчекує же будзе приємнєйше и температура менєй як 30 ступнї.
Од пиятку будзе преважно слунечно и умерено цепло.
Под червеним метеоалармом Банат, Бачка, Срим, Беоґрад, Заходна и Югозаходна Сербия, Шумадия, Поморавє, Восточна и Юговосточна Сербия, покля у АП Косове и Метохиї на моци помаранчецови метеоаларм.
Цеплотна габа у наиходзацих дньох може допринєсц векшей опасносци од иницираня и ширеня огня на отвореним, а ризик будзе найвираженши у реґионох зоз найвекшим дефицитом влаги у жеми, односно зоз найвекшим нєдостатком дижджу, наводзи Републични гидрометеоролоґийни завод Сербиї (РГМЗ).