НОВИ САД – У младежским центре ОПЕНС и того лєта будзе ше приказовац Европски авторски филми – ОПЕНС лєтни биоскоп кажди штварток.
Сезона лєтного биоскопу на отвореним почала зоз бразилско-портуґалским филмом Greice, режисера Леонарда Моураматеуса, хтори приказани, штварток, 25. юния.
Програма хтору реализує ОПЕНС у сотруднїцтве зоз Европску хижу Нови Сад будзе орґанизована кажди штварток на 21 годзин по 10 септембер.
На штварток, 2. юлия будзе проєкция финскей драми JE’ VIDA, хтору режирала Катя Ґаурилоф.
Орґанизаторе наглашели же места нє мож резервовац, а заинтересовани можу присц скорей и завжац место хторе жадаю. Уход на проєкциї ше нє наплацує.
Приказовац ше будзе филми хтори часц Фестивалу европского филму, проєкту Европскей комисиї, а Фестивал часц рочней програми Делеґациї Европскей униї у Сербиї у сотруднїцтве зоз Европскима хижами у Беоґрадзе, Новим Садзе, Нишу и Новим Пазару.
Цалу програму мож опатриц на сайту Европскей хижи Нови Сад.
