НОВИ ПАЗАР – Новинско-видавательна установа „Руске слово” представела свой Интерни етични медийни кодекс на конференциї о меншинских медийох на тему „Виволаня у информованю на язикох националних меншинох у предвиберанковим контексту”, котру у Новим Пазару орґанизовали мисия Орґанизациї за европску безпечносц и сотруднїцтво (ОЕБС) и мисия Европскей униї у Сербиї.
На конференциї представени вецей питаня о информованю на язикох националних меншинох у Републики Сербиї, окреме вочи порядних виберанкох за национални совити националних меншинох и можлївих позарядових общих виберанкох.
На конференциї свойо проблеми и можлїви ришеня винєсли портал „Free Media” з Нового Пазару, „ТВ Спектри” з Буяновцу, портал „Маґлочистач” зоз Суботици и инфомативна аґенция „Бета”, котра ма покрице на националним уровню.
НВУ „Руске слово” приказане як приклад позитивней пракси друкованого явного сервису на язикох националних заєднїцох у Сербиї.