Закончена Реґионална конференция о локалних и меншинских медийох

автор ядю
1k Опатрене

БЕОҐРАД – Вчера, 5. новембра, после трох панел-дискусийох на хторих вичерани искуства и думаня учашнїкох зоз сушедних жемох о будучносци медийох, закончена Штварта Реґионална конференция о локалних и меншинских медийох.

На конференциї було бешеди о новим портофолию меншинских и медийох на локалним уровню, хтори би мал буц динамичнєйши, иновативнєйши, з отримуюцим розвойом.

6-Konf-02

И на тот завод дискутоване о будучносци друкованих виданьох, односно чи диґитални форми прелїґню друковани. Було бешеди и о способох уключованя дружтвених мрежох и рижних диґиталних платформох до каждодньовей роботи, пре приблїжованє ґу младим читачом.

На Конференциї участвовали еминенти фаховци з рижних обласцох – од приватних поднїмательох по спонзорох, котри поволали локални и меншински медиї же би ше повязали и на тот способ наступели на ґлобалним тарґовищу.

6-Konf-03

Реґионалну конференция о локалних и меншинских медийох, на хторей присуствовали и представителє НВУ „Руске слово”, орґанизовали „Мадяр Со”, „Медиа Чейндж”, Асоцияция медийох Сербиї, „Херор Медиа Понт”, „Дякомели медиа” и Центер за розвой меншинских и локалних медийох, а под покровительством Покраїнского секретарияту за културу и явне информованє.

ПОВЯЗАНИ ТЕКСТИ