КОЦУР – Медзи програмами тогорочного Фестивалу „Коцурска жатва”, за визначних госцох и делеґацию з Курова, зоз Словацкей, предсидатель Совиту Месней заєднїци (МЗ) Коцур Желько Бєлан и секретар МЗ Єлена Бесерминї всоботу вечар орґанизовали шветочни приєм у просторийох МЗ.
Попри госцох з приятельского Курова, на приєму присуствовали народна посланїца Олена Папуґа, предсидатель Вивершного одбору Националного совиту (НС) Руснацох Желько Ковач, як и домшнї – подпредсидатель НС Руснацох Микола Шанта, члени одборох НС Весна Раґаї Цап и Микола Цап, та домашнї цалого Фестивалу, предсидатель його Орґанизацийного одбору Микола Ґубаш.
Госци зоз Курова, на чолє з Миланом Буйдом, предсидательови Совиту Бєланови уручели пригодни дарунок, а потим бешедоване и о дальшим сотруднїцтве двох местох.