Конкурс за орґанизованє явних роботох

автор сен
1k Опатрене

СЕРБИЯ – Национална служба за обезпечованє роботи розписала конкурс за орґанизованє и запровадзованє явних роботох на хторих буду анґажовани нєзаняти особи, пре витворенє програми активней политики обезпечованя роботи.

Як дефиноване у явней поволанки, конкуровац мож за роботи у социялних и гуманитарних активносцох, за отримованє и обнавянє инфраструктури, защиту животного штредку и природи.

Найпознєйше по 20. юлий зоз своїма проєктами ше можу приявиц орґани териториялней автономиї, єдинкох локалних самоуправох, явни установи и подприємства, привредни дружтва, поднїмателє, задруґи и здруженя.

Национална служба за обезпечованє роботи обявела и вименки и дополнєня двох явних поволанкох за програми фахових праксох: Явней поволанки за реализацию програми Фахова пракса за здобуванє практичних знаньох и схопносцох, та Явней поволанки за реализацию програми Фахова пракса за здобуванє условийох за покладанє фахового испиту.

Вецей информациї о конкурсох мож достац у орґанизацийних єдинкох Националней служби за обезпечованє роботи, лєбо наволац на число 0800-300-301.

 

ПОВЯЗАНИ ТЕКСТИ