ВЕРБАС – Културни центер Вербас (КЦВ) розписал конкурс за подобових уметнїкох, односно за колективни и самостойни вистави, хтори тирва по 1. децембер.
З конкурсом КЦВ поволує шицких заинтересованих академских подобових уметнїкох, уметнїкох применєней уметносци и мултимедиялних уметнїкох, як и уметнїцки здруженя, же би дали свойо предкладаня за орґанизованє самостойних и ґрупних виставох.
КЦВ ше обовязує же постави виставу, орґанизує єй отверанє, медийну потримовку и видрукує провадзаци материял, у складзе з можлївосцами. О поєдиносцох каждей вистави буду ше догваряц автор и ґалериста.
О виборе виставох одлучи Уметнїцки союз Подобовей ґалериї КЦВ, а о резултатох конкурсу шицки приявени кандидати буду поинформовани до конца децембра.
Вецей о тим конкурсу мож опатриц на сайту Општини Вербас – www.vrbas.net.