Лєм у 17 општинох финансованє медийних програмох на язикох меншинох

автор зам  фото ртв
931 Опатрене

СЕРБИЯ – Як информує портал „Сушедски новосци” („Комшијске новости”), после приватизованя медийох, з 90 општинох и городох у Сербиї лєм 17 у тим року предвидзели и окремни средства на конкурсох за проєктне софинансованє медийох за програми на язикох националних меншинох.

Найвецей пенєжи за тоту намену опредзелєла Општина Ковачица – 7 милиони 575 000 динари, за информованє на словацким, мадярским и румунским язику. Город Суботица потримал 8 проєкти на язикох меншинох з вєдно 6 милиони 350 000, а Город Нови Сад тиж за 8 (з 13 приявених проєктох), опредзелєл 6 милиони динари.

У вецей општинох, медзи нїма и у жабельскей, хтори опредзелєли средства за продукцию змистох на язикох меншинох – нє було прияви.

Директор Информативного центру (ИЦ) Оджак Зоран Лукич за исти портал гварел же по приватизованю тота општина остала без радио-емисийох на словацким, мадярским и ромским язику.

– Програму на язикох меншинох ше вецей нє емитуе бо ми пенєж за їх финансованє нє маме. Кед же би новинаре хтори ю реализовали нашли средства прейґ проєктох, ми поритани дац простор – гварел директор ИЦ хтори у власнїцтве троїх занятих, понеже заинтересованих за приватизованє нє було, так же тройо достали безплатни акциї того медию.

ПОВЯЗАНИ ТЕКСТИ