БЕОҐРАД – Влонї було 6 520 прияви за насилство над дзецми, спомедзи хторих аж 98 одсто знука фамелиї. Оглядаюци ше на тоти податки, министер за роботу, обезпечованє роботи, борецки и социялни питаня Александар Вулин наявел же, пре векшу защиту дзецох, Министерство пошвидко предложи закон о омбудсманови за дзеци.
Вулин гварел же найвираженше було занєдзбованє дзецох, за цо сцигли 2 890 прияви, потим физичне насилство, економске, сексуалне и психичне.
– Нашим дзецом зме длужни защиту, же би ше держава и цале дружтво баржей анґажовали на їх защити – гварел Вулин и додал же пре насилство у фамелиї, од старательох влонї вжати 338-еро дзеци.