НОВИ САД – На Продуктней берзи у Новим Садзе прешлого тижня предати лєм 50 тони кукурици, а як сообщели з Берзи, таки мали обток указує на нєзаинтересованосц потенциялних купцох. Кукурица предавана по 15 дин. за кґ (без ПДВ), цо за 2,27 одсто менєй як предпрешлого тижня.
Як сообщую з Продуктней берзи, чека ше же би цена кукурици спадла спод 14 динари (без ПДВ), з чим би ше купци, евентуално, уклопели до виплацуюцих вивозних аранжманох.
Прешлого тижня нє було интересованя за жито, гоч цена и далєй спод обчекованей.