НОВИ САД – У Руским културним центре (РКС) у Новим Садзе вчера вечар, 30. октобра, отримана креативна роботня за школярох основних школох у хторих ше руски язик виучує як виборни предмет. З тей нагоди и предсидателька Одбору за образованє Националного совиту Руснацох Мелания Римар тринацецерим першокласнїком у новосадских школох придала учебнїки, котри им обезпечел НС.
Попри домашнього РКЦ, роботню з тему „Ноц босоркох” обдумали учительки Анамария Рац и Оля Яковлєв, а дзеци були креативни, та з бундавох, плаценкох и рижного прибору, направели прикраски и русинки.
Роботня отримана у обновених и ошвижених просторийох РКЦ, а источашнє була и увод до друженя старших – маскенбалу у орґанизациї Форуму младих Рускей матки, хтори исти вечар отримани у РКЦ.
