РУСКИ КЕРЕСТУР – Остатнї тидзень жимского розпусту у керестурским парохийним Каритасу ше традицийно отримує Дзецински куцик, у хторим вачарами, од 19 до 21 годзин, школяре основней школи и младши дзеци маю друженє и бависка хтори обдумали волонтере.
Коло 40-еро дзеци, вєдно з волонтерами и дзепоєднима родичами, бавя дружтвени бависка, вифарбюю рисунки, танцую, бавя столни тенис и друге.
Понеже то и Рок милосердия, преглїбює ше и кратки тексти и виреченя з Євангелиї, та ше и у тим духу шицки намагаю препровадзиц тот час.
Велька заинтересованосц за Куцик потвердзує же дзеци любя свой шлєбодни час препровадзовац у друженю, а Куцик будзе закончени нєшка з маскенбалом.
