Нєшка 16 роки як почало бомбардованє СРЮ

автор сен
1.2k Опатрене

СЕРБИЯ – На нєшкайши дзень пред 16 роками НАТО почал напад на тедишню Союзну Републику Югославию (СРЮ) и нєшка будзе означени Дзень здогадованя на жертви бомбардованя. Представителє державней и локалних власцох, Войско Сербиї, та числени здруженя положа венци на памятнїки воєних и цивилних жертвох котри страдали у бомбардованю.

Бомбардованє СРЮ тирвало 78 днї, од 24. марца по 10. юний и за тот час барз очкодована инфраструктура. Перше цильоване на воєни обєкти, а познєйше руйновани и привредни обєкти, школи, здравствени установи, медийски хижи, памятнїки култури, а велї з нїх до нєшка нє обновени. Оценєте же под час бомбардованя погинули коло 2 000 людзе, а коло 10 000 були ранєти.

Як наявене зоз Скупштини Городу Беоґрад, централни комеморативни сход будзе на 19,50 г. при будинку бувшого Ґенералштабу Войска Сербиї. Предсидатель Сербиї Томислав Николич положи венєц на Памятнїк жертвом НАТО бомбардованя у Алексинцу, а представителє Влади, Войска, Городу Беоґрад и Здруженя борцох венци положа на брегу Стражевица.

У Новим Садзе комеморативни сход будзе на 12 годзин у касарнї „Юґовичево“, на хторим буду присуствовац делеґациї Городу Нови Сад, ґарнизону Нови Сад, фамелиї припаднїкох Войска Сербиї котри погинули и други.

ПОВЯЗАНИ ТЕКСТИ