Отримана промоция кнїжки Леони Лабош Гайдук

автор влдї
1.1k Опатрене

ШИД – Всоботу, 19. марца, у Лєтнєй владическей резиденциї у Шидзе отримана промоция кнїжки Леони Лабош Гайдук „Цеплосц дїлох,перли слово – штверо дїяче у култури зоз Шиду з презвиском Лабош”, хтору видали Дружтво за руски язик, литературу и културу (Дружтво).

Спред Дружтва о авторки и кнїжки бешедовала Ирина Папуґа, а свойо упечатки о кнїжки и авторки винєсла и рецензентка Вера Радивойков.

Наставнїца Златка Сивч Здравич и професор руского язика Зденко Лазор пречитали рецензию Миколи М. Цапа, а поетеса Саня Тиркалйо пречитала писню „Славиа” о. Андрия Лабоша. Зденко Лазор гуторел стихи поетеси Єлени Орландич, нардозеней Лабош, котра у кнїжки медзи заступенима културнима дїячами з презвиском Лабош, вєдно з авторку и єй оцом Михаилом.

На промоциї присуствовала и авторка Леона Лабош Гайдук, котра з тей нагоди накратко представела тото дїло, як и свою творчу просвитну, педаґоґийну и публицистичну роботу.

Промоцию збогацели школяре котри у ОШ „Сримски фронт” и „Бранко Радичевич” у Шидзе пестую руски язик з елементами националней култури, як виборни предмет, а котри представели стихи руских поетох. За наступ их пририхтала наставнїца Златка Сивч Здравич.

Ирина Папуґа на промоциї придала и подзекованя заслужним за друкованє кнїжки, а  кратко представела и найновши виданя Дружтва.

4-Sid-02

ПОВЯЗАНИ ТЕКСТИ