Пошвидко зменшованє числа занятих у явних подприємствох

автор сен
1.1k Опатрене

НОВИ САД – Вименки и дополнєня законох хтори реґулую локални самоуправи, занятих у автономней покраїни и локалних самоуправох и комуналну полицию, та рационализация числа занятих у явней управи, були теми о хторих, стреду, 28. януара бешедовали предсидатель Покраїнскей влади Боян Пайтич и министерка державней управи и локалней самоуправи Кори Удовички.

Министерка Удовички гварела же процес рационализациї числа занятих у явних управох будзе реализовани пошвидко, а зменшанє числа занятих ше будзе одношиц насампредз на гевти явни подприємства дзе очиглядне же єст вецей занятих як потребне, та им дїлованя нєрационални.

Пайтич и други покраїнски секретаре з рижних ресорох обрацели увагу же при рационализациї треба мац у оглядзе и обласци дїлованя.

– Обрацели зме увагу на тото же при зменшованю числа занятих у явней управи акцент треба положиц на явни подприємства, а нє на просвиту и здравство. Видзи ми ше же зме ше у тим зложели з министерку Удовички и єй сотруднїками – виявел Пайтич после стретнуца.

ПОВЯЗАНИ ТЕКСТИ