КОЦУР – Того тижня у голу коцурского Оддзелєня „Герлїчка” Предшколскей установи „Бошко Буха” з Вербасу орґанизована предавацка вистава прикраскох з паперу и других ручно виробених предметох. Акцию такого збераня пенєжу порушал колектив дзецинскей заградки, а пре обнавянє бавискох.
Прикраски хтори мож купиц на вистави направели шицки члени колективу дзецинскей заградки, а попри купованя у дзецинскей заградки, можлїве же прикраски буду понукнути и на пияток на пияцу у Коцуре. Тема прикраскох наиходзаце швето – Дзень женох.
Коцурски воспитачки и влонї орґанизовали подобну акцию, та ше наздаваю же родичи котри приходза по свойо дзеци, алє и други заинтересовани нащивителє вистави з купованьом прикраскох по символичних ценох и тераз допринєшу обнови бавискох за дзеци у дзецинскей заградки.