ШИД – Општинска рада Шид розписала Явну поволанку за софинансованє проєктох з буджету Општини Шид за витворйованє явного интересу у обласци явного информованя.
За тоту намену опредзелєни 9 милиони динари, а вимога за софинансованє прокєту може виношиц найвецей 80 одсто вредносци проєкту з хторим ше конкурує.
Конкуровац маю право видавателє уписани до Реґистру медийох як и правни особи-поднїмателє хтори продукую медийни змисти и понукню доказ же медийни проєкт будзе и витворени у медийох.
Нє можу конкуровац медиї хтори ше финансую з явних приходох, як и тоти котри нє оправдали достати средства од Општини на скорейших конкурсох.
Явна поволанка тирва осем днї, а вимоги-проєкти ше подноши до Комисиї за оценьованє проєктох у обласци явного информованя Општини Шид, Карадьордєва 2.
Источашнє упутена и поволанка за предкладанє членох спомнутей комисиї.