РУСКИ КЕРЕСТУР – У Велькей сали Дому култури Руски Керестур нєшка на 18 годзин Українски фолклорно-балетски ансамбл „Євшан” зоз Саскатуну з Канади отрима цаловечарши концерт.
„Євшан” професийни Українски народни балетски ансамбл зоз Саскатуну, у Саскачеванскей обласци и єдини народни балетски ансамбл у Саскачевану хтори творя найквалитетнєйши танєчнїки и танци у цалей обласци.
Ансамбл основани 1960. року, а през уметнїцку форму танцу приказує историйни и сучасни українски културни вредносци. Попри велїх наступох у Канади, дотераз госцовал у Анґлиї, у Лондону, у Шведскей и у Штокголму, у України, на Куби, та у Зєдинєних америцких державох.
Ансамбл тераз на длугшей турнеї у Горватскей и Сербиї.
