КОЦУР – Красна хвиля оможлївела предлуженє косидбу жита и у коцурским хотаре, а як ше нагадує, нєшка би могла буц и закончена.
Штреднї урожаї ше рушаю коло 3,6 тони по гольту, а у Коцуре жито мож предац до Роботней єдинки подприємства „Либела продукт” зоз Змаєва, до маґазину подприємства „Фарм кооп” зоз Србобрану и до млїну „Миком”, дзе жито одкупює Землєдїлска задруґа „Класка”.
Жито ше за тераз бере на лаґер, аконтна цена коло 15,5 динари за килу, док ше конєчну цену обчекує штредком юлия. Праве пре вше меншу цену, у коцурским хотаре з рока на рок єст вше менєй жита.