СРИМСКА МИТРОВИЦА/НОВИ САД/ДЮРДЬОВ/КОЦУР – Пред шветом Святого Миколая по юлиянским календаре, хторе на пондзелок, 19. децембра, на нєдзелю, 18. децембра, у наших парохийох буду орґанизовани програми з нагоди дочеку Миколая, котри потим дзецом поделї дарунки-пакецики.
Миколай на ютре, на недзелю, перше придзе до церкви у Сримскей Митровици, дзе коло 11 годзин, по Служби Божей, хтора на 10 г., будзе отримана пригодна музично-рецитаторска програма. По програми Миколай коло 60 дзецом подзелї пакецики.
У векшини наших церквох Миколай на ютре придзе по Всеночним, та так у Новим Садзе и Дюрдьове програми з нагоди Миколая и дзелєнє поакецикох буду по службох хтори на 17 годзин, а у Коцуре дзецинска музично-драмска програма будзе по Всеночним, хторе на 17,15 годзин.
Исти дзень Миколай у Коцуре у Каритасу подзелї пакецики и дзецом з окремнима потребами, а на пондзелок пакецики буду однєшени дзецом котри сами нє можу присц по пакецик.