ҐОСПОДЇНЦИ – У центре Ґосподїнцох у авзлоґу Народней општинскей библиотеки „Велько Петрович” уж треци тидзень виложени роботи уметнїкох зоз Подобовей колониї „Стретнуце у Боднарова” котре орґанизує Дружтво за руски язик, литературу и културу.
Орґанизацийни одбор за представянє подобових уметнїкох и роботох учашнїкох Подобовей колониї „Стретнуце у Боднарова” од 3. децембра орґанизовал виставу малюнкох.
Заплановане же би у шлїдуюцим периодзе були виложени шицки штиристо малюнки вецей як пейдзешат уметнїкох з Колонийох котри ше отримую од 2006. по 2019. рок. Перши два вистави буду пошвецени уметнїком зоз Ґосподїнцох, потим зоз Дюрдьова, Жаблю и Чуроґу, а вец уметнїком зоз општини Темерин, з Вербасу и други.
После роботох старших уметнїкох, заплановане же би були виложени и роботи уметнїкох зоз Дзецинскей подобовей колониї „Стретнуце у Боднарова”.