РУСКИ КЕРЕСТУР – У Велькей сали Дому култури Руски Керестур нєшка, 24. юния, КУД „Крущич” зоз сушедного Крущичу на 20 годзин одбави представу „Велька драма” Синиши Ковачевича, у режиї Деяна Цицмиловича.
Представа того року преглашена за найлєпшу аматерску представу у Войводини и на пияток, 26. юния, участвує у конкуренциї за награди на тогорочним Републичним фестивалє аматерских театрох Сербиї у Кули. Попри з Крущичу, у тей ансамбл-представи ґлумя и аматере з других местох у кулскей општини.