НОВИ САД – Ґаранцийни фонд АП Войводини розписал конкурс за даванє ґаранцийох за обезпечованє кредитох за финансованє набавки новей опреми за микро, мали и штреднї подприємства, та поднїмательом и задруґом хтори робя найменєй три роки.
Будзе ше одобровац кредити од 5 000 до 100 000 еври у динарох, з термином одплацованя до шейсц роки, а ґрейс-период 12 мешаци.
Предсидатель Покраїнскей влади Боян Пайтич з нагоди подписованя спорозуменя о сотруднїцтве Ґаранцийного фонду з АИК банку, Банку Интеза и Кредит Аґрикол банку, гварел же Покраїна з тоту програму жада потримац сектор хтори ма потенциял поцагнуц привреду напредок, та з помоцу Ґаранцийного фонду и банкох хтори з нїм сотрудзую, 625 милиони динари буду унапрямени за вигодни кредити.
