8. МАРЕЦ – Нєшка Медзинародни дзень женох.
1714 – Народзени чембалист и дириґент Карл Филип Емануел Бах (Ваймар, Нємецка, 8. марец 1714 – Гамбурґ, Нємецка, 14. децембер 1788), други син Йохана Себастияна Баха, познати бул як композитор и музичар на инструментох зоз клавиятуру.
1846 – Отворена перша читальня у Сербиї, наволана Сербске читалїще, познєйше Читалїще беоґрадске. Подобни читальнї нєодлуга основани и у других городох Сербиї.
1953 – У месце Планица у Словениї представени ґазирани сок кокта, югославянска верзия кока-коли.
1971 – Основани хор „Колеґиюм музикум”, академски камерни хор студенткох Факултета музичней уметносци у Беоґрадзе.
1910 – У Копенгаґену отримана Друга конференция женох социялистох, на инициятиву нємецкей револуционерки Клари Цеткин запровадзене швето як здогадованє на демонстрациї женох у Чикаґу 8. марца 1909. року. Перша преслава Дня женох у Сербиї отримана 1914. року.