НОВИ САД – Шицки гражданє муша поряднє одруцовац шнїг и чисциц ляд з дражкох опрез и коло своїх обисцох, будинкох и роботних обєктох – сообщене з Кабинету городоначалнїка Нового Саду Милоша Вучевича.
Городска власц обвисцела гражданох же з Одлуку о комуналним ушореню Городу предвидзене же шицки физични и правни особи, та поднїмателє, обовязни поряднє одруцовац шнїг, и то цо частейше, же би ше нє залядзел.
– Шицки физични, правни лїца и поднїмателє ше муша притримовац и окончовац наведзени обовязки. У процивним, инспекторе Городскей управи за инспекцийни роботи буду писац прияви – пише у сообщеню Городу Нови Сад.