11. АПРИЛ – На нєшкайши дзень народзел ше Силвестер Ґача.
1755 – Народзени Джеймс Паркинсон (Шордич, Велька Британия, 11. април 1755 – Лондон, 21. децембер 1824), британски ґеолоґ, палєонтолоґ и лїкар хтори перши описал файту парализи хороту хтора наволана Паркинсонова хорота.
1765 – Першираз у историйних документох спомнута Руска школа у Коцуре, цо ше рахує як початок школства при Руснацох у тим месце.
1919 – Основана Медзинародна орґанизация роботи зоз шедзиском у Женеви.
1939 – Народзел ше Силвестер Ґача (Петровци, 11. април 1939 – Руски Керестур, 2. авґуст 2008). Основну школу закончел у Петровцох, а ґимназию у Вуковаре, уписал ше до Висшей педаґоґийней школи у Беоґрадзе, а закончел и Школу фолклора СР Горватскей на Бадиї. Робел як наставнїк математики у Товарнику (Горватска), од єшенї 1963. року Силвестер Ґача робел у керестурскей школи и поставял нови танци танєчней секциї у Доме култури у Руским Керестуре. Од 1967. року робел у Доме култури як уметнїцки руководитель и хореоґраф. У коцурским Доме култури у бул орґанизатор и руководитель фолклорней секциї 1972. року, а источасно и режирал театрални фалати драмскей секциї. Уж 1973. року прешол на исту длужносц до Бачкей Тополї и Нового Орахова, а 1982. року до Кикинди. У априлу 1983. року ше врацел до Руского Керестура, и бул директор Дома култури, дзе остал до конца роботного вику. До пензиї пошол 2002. року, алє ше предлужел занїмац зоз културно-уметнїцку дїялносцу як ґлумец-аматер и хореоґраф.
1948 – Почала вибудов нового беоґрадского населєня на лївим побрежю Сави – Нового Беоґраду.
2002 – У шедзиску ЗН у Нюйорку урядово основани стаємни Медзинародни суд за войново злодїйства, понеже вецей як 60 жеми ратификовали Римске спорозуменє зоз 1998. року, з хторим тот суд запровадзени.
Нєшка Шветови дзень Паркинсоновей хороти.
Нєшка ше означує Дзень защити природи Сербиї, хтори установени зоз Законом о защити природи 2009. року, а 11. априла 1949. року першираз установени статус защиценого природного добра у Сербиї, а то водопади Велька и Мала Рипалька при Сокобанї.