ҐОСПОДЇНЦИ – Пред найвекшим Християнским шветом, Вельку ноц, зоз школярами висших класох у Основней школи „Жарко Зренянин” у Ґосподїнцох орґанизована роботня писаня писанкох.
Роботня отримана пондзелок, 14. априла у рамикох Двацец трецей подобовей колониї за дзеци „Стретнуце у Боднарова”.
Як орґанизаторе гварели за Рутенпрес, тема була актуална – креативне фарбенє писанкох зоз стиропору. Школяре у роботи хасновали темпери и акрилни фарби, а шицок материял ше остарали орґанизаторе.
Резултати їх роботи буду виложени у уметнїцким авзлоґу „Кибицфенстер” библиотеки у Ґосподїнцох.