НОВИ САД – На Першенстве Войводини за наймладших початнїкох у каратеу, пионирох и надїї, каратисти кулского Клубу „Гайдук” наступели зоз 22-ома поєдинцами и трома екипами. Од того, дванацецеро змагателє освоєли златни медалї, шесцеро стриберни, а штверо бронзово, а медзи наградзенима зоз бронзу и Заря Ковач зоз Руского Керестура.
Златну медалю у поєдинєчней катеґориї освоєли – Лука Жуґич, Уна Пердух, Марко Дїсалов, Милица Куколь, Ваня Ярич, Милана Милетич, Душан Петрович, Маша Крнаяц, Леонтина Балинд, Деян Берич, тиж златну медалю екипно, у хлопских надїйох, освоєли – Милян Мрдак, Лука Жуґич, Марко Дїласов и Стефан Баран як и екипа пиониркох у составе – Милица Куколь, Уна Предух, Заря Ковач и Катарина Новаков.
Стриберни медалї поєдинєчно освоєли – Милян Мрдак, Стефан Баран, Искра Боґданович, Заря Ковач, Катарина Новаков и Петра Жеґарац, док бронза поєдинєчно припадла и шлїдуюцим змагательом – Александар Афич, Маша Драґаш, Алексей Ґажо як и екипи женских надїйох у составе – Милана Милетич, Ваня Ярич и Искра Боґданович.
Першопласовани каратисти у поєдинєчней и екипней катеґориї пласовали ше на Першенство Сербиї хторе ше отрима у Младеновцу.