24. МАЙ – Нєшка Дзень славяскей писменосци и култури и Европски дзень паркох.
1686 – Народзел ше нємецки физичар Даниєл Ґабриєл Фаренхайт (Ґданьск, Польска 24. май 1686 – Гаґ, Голандия, 16. септембер 1736), направел перши термометер зоз живим стриблом. Фаренхайтова (°F) скала за меранє температури наволана по нїм. Фаренхайтову скалу ше хаснує у ЗАД.
1844 – Пренаходзач телеґрафа Семюел Морзе послал зоз Вашинґтону до 65 километри оддалєного Балтимору перше телеґрафске порученє у историї, хторе глашело: Цо то Бог зробел?.
1905 – Народзел ше писатель Михаил Александрович Шолохов (Крусилин, Русия, 24. май 1905 – Вйошенска, 21. фебруар 1984), 1965. року додзелєна му Нобелова награда за литературу за дїло Цихи Дон.
1926 – Отворена Универзитетска библиотека у Беоґрадзе, чия вибудов з помоцу Карнеґийовей завитовщини почала 1921, а закончена є 1924. року. Бул то перши будинок у Сербиї хтори наменски будовани за библиотеку.
Нєшка Дзень славяскей писменосци и култури, лєбо Дзень славянских просвитительох Кирила и Мефтодия, Грекох зоз Солуну, сновательох славянскей литератури и творцох першого славянского писма, глаголїци. Тото писмо направели зоз присподобйованьом греческей азбуки ґу славянским гласовним потребом на хтори преложели вецей церковни кнїжки.
Нєшка Европски дзень паркох.