ДОРТМУНД (НЄМЕЦКА) – Екуменска гуманитарна орґанизация (ЕХО) зоз Нового Саду у сотруднїцтве зоз партнерску орґанизацию Млади евангелистичней церкви зоз Дортмунду, од 13. до 20. юния реализовала осемнасту младежску черанку у Нємецкей у Дортмунду, городу хтори побратимени зоз Новим Садом.
Того року зоз Сербиї у Дортмунду були 10 млади волонтере зоз Сербиї, а домашнї им були исто тельо млади зоз Нємецкей. Нарок волонтере зоз Дортмунду приду до Нового Саду и так ше то зменює уж роками.
Теодора Рамач, школярка Ґимназиї „Светозар Маркович” зоз Нового Саду була єдна од 10 младих волонтерох, хтора була у Дортмунду дзе, окрем же здобула нових приятельох, позберала искуства о волонтираню младих, роботи рижних гуманитарних орґанизацийох.
