30. АВҐУСТ – На нєшкайши дзень у Дюрдьове отримани перши Фестивал жридлового шпиваня Най ше нє забудзе.
1797 – Народзела ше писателька Мери Шели (Лондон, 30. авґуст 1797 – Лондон, 1. фебруар 1851) писала романи, драми, есеї, биоґрафиї, драгописи, авторка є романа Франкенштайн.
1881 – Французки инжинєр Клеман Адер патентовал у Нємецкей першу стереофонску звучну систему.
1947 – Народзел ше Владимир Колбас (Нови Сад, 30. авґуст 1947 – Киченер, Канада, 30. авґуст 2024). Стредню музичну школу, а потим и Музичну академию закончел у Новим Садзе. Заняти бул на месце родуцента у Рускей редакциї Радио Нови Сад, од 1976. рок по 1993. кед ше зоз фамелию одселєл до Канади. Бул вредни аматер у КУД Максим Горки у Новим Садзе од тинейджерских рокох, тиж бул и корепетитор, дириґент хорох. Бул єден з сновательох Фестивалу Ружова заградка, а робел и допринєсол у реализациї фестивалу Червена ружа.
1969 – Народзел ше ґлумец Небойша Ґлоґовац (Требинє, 30. авґуст 1969 – Беоґрад, 9. фебруар 2018), бул филмски, телевизийни и театрални ґлумец.
2003 – Шветочно отворени просториї КУД „Тарас Шевченко” у Дюрдьове.
2003 – У Дюрдьове отримане перше Стретнуце жридлових ґрупох Най ше нє забудзе. На инициятиву Националного совиту же би кажди руски стредок мал свой фестивал, у Дюрдьове отримане перши раз Стретнуце жридлових ґрупох, нєшка Фестивал жридлового шпиваня Най ше нє забудзе. Теди участвовали: КУД Тарас Шевченко, КУД Жатва, Дом Култури Руски Керестур, Хлопска ґрупа зоз Суботици, КУД Бранислав Нушич Дюрдьов.
Нєшка Медзинародни дзень нєстатих особох.