10. ДЕЦЕМБЕР – Нєшка Meдзинародни дзень людских правох.
1830 – Народзела ше писателька Емили Елизабет Дикинсон (Амерст, ЗАД, 10. децембер 1830 – 15. май 1886), жила як поцагнута нєодата ґаздиня и обявела лєм 4 писнї. Славна постала аж по шмерци, кед пренайдзене вецей як тисяч єй писнї и обявени су у шейсцох томох.
1845 – Анґлийски будовательни инжинєр Роберт Томпсон патентовал перши пневматски ґуми.
1868 – Перши семафори за реґулованє транспорту у швеце почали робиц у Лондону, на площи опрез будинка парламента Велькей Британиї, a перши електрични семафор бул у Берлину 1882. року, нєшкайши семафори обдумани 1924. року.
1895 – Основане Дружтво за унапредзенє и украшованє Сокобанї, цо ше трима як початок туризма у Сербиї.
1898 – Народзел ше академски маляр Иван Табакович (Арад, 10. децембер 1898 – Беоґрад, 27. юний 1977).
1948 – Ґенерална скупштина Зєдинєних нацийох прилапела Универзалну декларацию о правох чловека.
Нєшка дзень кед ше каждого року додзелює Нобелову награду за досцигнуца у обласци физики, хемиї, медицини, литератури и за мир.
Нєшка и Meдзинародни дзень людских правох (Human Rights Day).