ДЮРДЬОВ – На вецей заводи всоботу, 3. януара и внєдзелю, 4. януара вял шнїг, а навяло и понад дзешец центриметри.
Главна драга у валалє, о котрей ше стара Явне комуналне подприємство „Драги Сербиї” очисцена внєдзелю коло 19 годзин, кед уж було чежше вожиц по драги и було шлїзке.
О побочних драгох у валалє ше стара Явно-комуналне подприиємсво „Чистота” (ЯКП) зоз Жаблю. Тоти драги вчера нє чисцени, и було чежко вожиц уж и пополадню пре вельке количество шнїгу та було и шлїзкаце.
Спрам информацийох од 31. децембра 2025. року, ЯКП „Чистота” порихтана за чисценє општинских драгох у шицких штирох општинских местох за цо анґажовани осем машини, од котрих два у власнїцтве ЯКП. Шейсц машини винаймени, вони од 15. новембра дежураю, а їх цена по роботней годзини штири тисячи.
Компетентни зоз ЯКП „Чистоти”, за Рутенпрес гварели же соль за безпечнєйше ходзенє по явней поверхносци подзелєна. Вчера, внєдзелю 4. януара дражки опрез здравственей амбуланти, општинского будинку и дражки у парку, у центре валалу нє були очисцени.
