24. ФЕБРУАР – На нєшкайши дзень народзел ше Вилхелм Ґрим.
1582 – Папа Ґрґур XIII видал папску булу зоз хтору уведзени григориянски календар.
1786 – Народзени писатель и филолоґ Вилхелм Ґрим (Ханау, Нємецка, 24. фебруар 1786 – Берлин, Нємецка, 16. децембер 1859). Виучовал нємецки язик, фолклор и културу. Зазберовал и обрабял народни сказки, хтори, як и векшину других творох, обявел у сотруднїцтве зоз старшим братом Якобом.
1887 – Париз и Брисел постали перши два престолнїци повязани зоз телефонску вязу.
1955 – Народзел ше пренаходзач и инвеститор Стив Джобс (Сан Франциско, 24. фебруар 1955 – Пало Алто, 5. октобер 2011), соснователь компаниї Епл и пионир персоналних рахункарох.
2003 – Лидер Сербскей радикалней странки Воїслав Шешель ше добродзечнє придал Гаґскому трибуналу, дзе бул обтужени за войново злодїйства у периодзе од 1991. до 1993. року.
2022 – Русийска Федерация почала инвазию на Україну, цо значело ескалацию Русийско-українскей войни, хтора почала 2014. року.