ЖАБЕЛЬ – 37. Турнир у малим фодбалу Жабель 2026, почнє того викенду, на соботу, 4. юлия на спортским полиґону споза будинка Општини Жабель. Приявиц екипу мож по пияток, 3. юлия.
Тогорочни турнир ше отримує у трох катеґорийох: сениоре, ветеранє и млади, кадети 2010. и младши и пионире 2013 и младши. Котизация за сениорох 15.000 динари, за ветеранох 12.000 динари и за младих 10.000 динари. Заплановане же би ше стретнуца бавело кажди вечар од 20 годзин. Бавиц ше будзе два раз по петнац минути.
Приявиц ше и достац информациї мож на число телефона 063/593-333.
Наградни фонд за завжате перше, друге и треце место на турниру за сениорох/ветеранох: перше место 650.000/100.000 динари, за друге место 70.000/10.000 динари и за треце место 50.000/20.000 динари. Як и каждого року за налєпших бавячох, ґолманох и екипи обезпечени награди, дипломи, припознаня и погари.
Прешлого року на тирниру участвовали 68 екипи, а фодбал ше бавело од 6. юлия по 10. авґуст зоз претаргнуцами пре нєвигодну хвилю.
Турнир орґанизовани под покровительством Општини Жабель, у сотруднїцтве зоз Спортским союзом општини Жабель, Фодбалским клубом ЖСК Жабель, Наш радио и Апатинска пивара.