БЕОҐРАД – Гражданє Сербиї найвецей веря образовним институцийом, полициї и системи здравственей защити, а того року 56 одсто гражданох виражело довириє до полициї. То дотераз найвисши виказани ступень довирия, наводза резултати виглєдованя явносци „Становиска гражданох о полициї”, хторе у Сербиї запровадзел Беоґрадски центер за безпечносну политику.
У виглєдованю участвовали тисяч полнолїтни гражданє Сербиї и воно указало же ше довириє до полициї звекшує, алє же є и далєй спод шветового просеку, хтори виноши од 60 до 90 одсто.