РУСКИ КЕРЕСТУР – Вчера у Руским Керестуре отримана премиєра дзецинскей театралней представи „Як настали бридки слова“, хтору по приповедки Душка Радовича режирала Ксения Бодянец. Дзеци з керестурского Драмского студия „АРТ“ на сказковити способ виведли представу о тим як настанє бридке слово, у яких ситуацийох ше го хаснує и преноши з особи на особу.
У представи ґлумели школяре з другей, трецей, пиятей и седмей класи, з котрих даєдни ґлумя перши раз, а даєдни, без огляду на роки уж маю искуства на сцени. Пре возрост, обачиц же робене на дикциї дзецох, та акцент бул на самих ґлумцох и дїї, а нє на сценоґрафиї, лєбо ефектох.
„Як настали бридки слова“ виведли мали ґлумци Ребека Семан, Минеа Югас, Микола Еделински, Андрей Надь, Алексей Надь, Иван Рац, Павле Венчельовски, Терезка Будински, Яна Настасич, Корнелия Будински, Уна Планчак и Милица Малинович.
