НОВИ САД – Завод за културу войводянских Руснацох (ВР) розписує конкурс за публикованє мастер роботох од окремного значеня за руску културу, у Едициї иновациї „Владимир Ґарянски”.
Конкурс отворени од нєшка, 15. априла, а тирва по 31. юлий того року. Конкуровац можу авторе одбранєних мастер и маґистерских роботох, хтори ище нє публиковани на другим месце (як окремна публикация, сепарат, або цалосц у составе заєднїцкей публикациї) и то з обласци дружтвених наукох повязаних з розвойом рускей заєднїци, окреме з обласци язика, литератури и историї.
Условия конкурсу у цалосци мож опатриц на веб-сайту Заводу за културу ВР, його резултати буду познати у септембру, а наукова мастер робота будзе опубликована до конца 2015. рока.